Die Plus 50 Streek/Region is ‘n nuwe toevoeging tot die Plus 50 stal en dek onderwerpe soos avontuur en reis, kos en verwante temas, boerdery, kuns en kultuur, erfenis, die omgewing en ander aktualiteitskwessies.  

Die tydskrif verskyn twee keer per jaar en laat elke keer die kollig op een van Suid-Afrika se onderskeibare streke val. In 2023 is uitgawes oor die Oos-Vrystaat en Waterberg gepubliseer, in 2024 uitgawes oor die Laeveld en die Oos-Rand en in 2025 ‘n uitgawe oor die Magaliesbergstreek sowel as die Tuinroete.  Die tydskrif gee ’n beeld van ’n bepaalde streek en wat dit kenmerkend en uniek maak, wat die besoeker daar kan ervaar, wie op ’n besondere manier bygedra het tot die gemeenskap, daarmee verbind word en vir wie dit lewensverrykend is.  

Die historikus, letterkundige en skrywer dr. Johann Lodewyk Marais is die gasredakteur van Plus 50 Streek/Region.